一等二靠三落空，一想二做三成功(修訂)
林佩妤/dang hong-zing
空思夢想的人等待奇蹟，等待永遠會落空；拍拚的人創造機會，行動才會當達成目標。
有一寡人永遠佇遐咧等待，等待機會來共挵(lòng)門，着算機會來的時，伊亦是恬恬坐佇椅仔頂，毋知共機會請入門，着按爾(ni/ne)，機會一遍一遍走閃去。亦有一寡人，規氣揣(cue-)靠山，想講看會當(dàng)一世人食穿免煩惱，想袂到「倚山山崩，倚壁壁倒，倚豬稠死豬母。」其實世間無人會當共汝包領一世人，總有一工，愛面對家己、嘛愛行入社會，俗語講「做雞着筅，做人着反(bìng)。嘛無人會使等待一世人，腫頭仔(手指頭)擉擉(diak)的！一個人的時間並無足量剩(siōng)？咱的青春又擱伸偌濟？干那想卜食好做輕可，靠序大人來安排，等貴人來牽成，一直戇戇等落去，按爾何時才會出頭天！
耐吉(Nike)的廣告講：「just do it！」，踏出去，實實在在去做！真濟人的成功，有時陣只是因為一個想法，一個念頭，但是想法逐個人攏有，可能咱嘛有一寡想法，佮證嚴法師仝款，發願想卜來救世，但是咱無變成第二個證嚴，因為咱只有想，無實在去做，可能是驚困難，抑是想講無可能，即這種代誌那有可能成功，毋擱路是人行出來的！佇人生的道路上，我想只有少數人，會當一帆風順，免受風湧的挑戰！總是，雖然毋知影未來會發生啥乜變化，予人想着心驚惶，但是只要咱全心全力去拍拚，按爾，機會着會佇路頭等咱，成功着會愈來愈接近囉。
有做無一定會成功，但是無做絕對袂成功。相信逐家細漢攏聽過即個故事，有二個和尚想卜去南海拜見菩薩，好額的和尚講足濟冬攏無出發，因為伊感覺足濟物件攏猶袂款好；但是散赤和尚包袱仔款款的！喝走着走，千里路途無驚遠，後來，散赤和尚轉來矣！好額和尚連第一步攏無踏出去。所以講，成功是留予肯動手去做的、肯試看覓的人，若是每項代誌攏愛有相當把握才去做，最後攏無變化，擱再講，有啥人敢掛保證，伊做任何代誌攏會成功咧？啥人有才調，伊活到即碼攏無失敗過，上驚的是，連試都無試過，按爾，參天公伯仔嘛無伊的法度。
歷史上有足濟偉人，我上佩服的是愛迪生(講英文)，過去伊咧研究電火泡(pōk)仔的心，到底是愛用啥乜材料，按爾(ni)電火泡仔才擋會久，才袂燒甲溶去！伊試百幾種的材料，朋友攏笑伊是戇大呆，但是今仔日證明伊毋是戇呆，顛倒是上巧的人，所以說，捲手捥(ǹg)動手去做的人，才有資格成功，若是連第一步攏踏袂出去，根本著無資格向成功報名。
有足濟成功的人，當初連家己嘛想袂到。有偉大的想法、理想，當然是足好，但是亦是愛靠手來做，着親像德蕾莎修女，孤身一人，只有淡薄仔力量，但是伊決心卜做，伊家己講過：「救濟散赤原本是政府愛做的代誌，但是我等袂到迄個時陣，我即碼着卜做！」「我即碼着卜做！」是非常有堅決的人才講會出喙。即碼着愛下手去做，無下手去做，講啥乜都無效！因為想法永遠是想法，意念嘛永遠是意念！
我相信逐家攏有想卜做的代誌，暫時勿講有偌偉大的事業，可能是想卜學語言、電腦，可能是想卜去看一個老朋友，嘛可能只是想卜去買一領新衫，但是想想的！即款小事，汝心內囥(kǹg)偌久矣？喙擱唸過偌濟遍矣？像今仔日我會徛(kia-)佇遮演講，嘛是一個簡單的想法爾爾，雖然我無足爻(ghău)，至少我肯試看覓咧！這對我來講着是成功。總講一句，我希望逐家若是有滿腹的理想，即碼着開始動手做，啥乜是上好的時機，即碼着是上好的時機。
一等二靠三落空，一想二做三成功(原稿)
林佩妤
貧憚e人等待機會，等待永遠會落空；打拚e人創造機會，行動才有成功。
有一些人永遠佇那底等待，等待機會給它撞門，機會來時，伊亦是恬恬坐佇椅仔
頂，毋知把機會請入門，就這樣，機會一遍一遍e錯失。亦有一些人，倚靠著別人e力量，想要這樣吃穿一世人，煞不知影「倚山山崩，倚壁壁倒，倚豬稠死豬母。」沒人會使給汝倚靠一世人，總有一天，咱抹是愛家己踏入社會；亦沒人會使等待一世人，腫頭仔(手指頭)拿出來算算耶！咱e時間剩多濟？咱e青春又剩多濟勒？一直憨憨等下去，世界沒因為這樣來改變，干那想卜食好做輕可，靠序大人來安排，等貴人來牽成，何時才會出頭天！
那按勒，是安怎才會成功勒？耐吉(Nike)e廣告講：「just do it！」，做下去就對啊！很多人e成功，有時陣只是因為一個想法，一個意念，但是想法逐定攏有，可能咱有一些想法，亦佮慈濟證嚴師父相款，想抹來救世，但是咱不是第二e證嚴，因為咱只有想，沒起來做，可能是驚困難，亦是想講不可能，這種代誌那有可能成功，不佫路是人行出來耶！做第一遍失敗！那按勒第二遍、第三遍勒？我想只有少數人一遍就成功啊！所以說，咱那是想抹一些代誌，心裡有一些想法，雖然不知道未來要安怎變化，給人驚惶，但是十二月屎桶，盡拚，只要咱用規e心規e人來打拚，若是安那，咱會離成功愈來愈近，機會永遠是站佇咱這邊。
有做沒一定會成功，但是沒做絕對抹成功。相信逐家細漢攏聽過這e故事，有二個和尚想抹去南海拜見菩薩，好ia7(有錢) e和尚講足濟冬(很多年)攏無出發，因為伊感覺足濟東西攏亦抹款好；但是善吃(貧窮)和尚包袱仔款款耶！喊走就走，千里路途無驚遠，後來，善吃和尚轉來啊！好ia7和尚連第一步攏無踏出去。所以講，成功是留後肯動手去做e、肯試看賣e人，那是每項代誌攏愛有十分e把握才抹動手做，最後攏沒變，佫在講，有啥人做任何代誌攏會使掛保證成功勒？誰人有才調講伊活到即碼攏無失敗過，尚驚e是，試攏無試看賣，那安勒，咱就後天公伯仔真真正正e判失敗囉！
世間上有足濟偉人，我尚佩服e是愛迪生(ai2 tit4 sing1)，過去伊底研究電火炮仔內底e心，到底是愛用什麼材料，安那電火炮仔才會撐了久，才抹燒khak8融去！伊試了百幾種e材料，朋友攏笑伊是憨大呆，但是今仔日證明伊不是憨呆，顛倒反是尚巧e人，所以說，挽手m5(把袖子捲起來)動手做e人，才有資格成功，若是連第一步攏踏抹出去，根本就無資格給成功報名。
有足多成功e人，當初連家己抹想沒到。有偉大e想法、理想，當然是足好，但是亦是愛靠手來做，，就親像德蕾莎修女(tit8 lui7 sa1 siu1 lu2)，孤身一人，只有單薄(一些)力量，但是伊決心抹來做，伊家己亦說：「救濟善吃本是政府要做e代誌，但是我等抹到那個時陣，我即碼就抹做！」「我即碼就抹做」是多有勇氣e人才講e出喙。即碼就愛動手來做，沒動手來做，什麼攏免講！因為想法永遠是想法，意念抹永遠是意念，做下報就毋驚甘苦啊！
我相信逐家一定想要抹做e代誌，暫時賣講是有多偉大e事業，可能是想抹學新e語言、電腦，可能是想抹去看一e老朋友，亦可能只是想抹去買一件新衫，但是想想耶！這款小事，汝心內放多久？喙佫唸過多濟遍勒？像今仔日我會站佇這演講，亦是因為一個想法爾爾，雖然我不足敖(我電腦沒這個字，所以用代替的)，至少我肯做看賣啊！這對我來講就是成功。總講一句，我希望逐家若是有滿腹e理想，即碼就開始動手做，什麼是尚好e時機，即碼就是尚好e時機。